കൊരട്ടി ∙ കാതിക്കുടം യുപി സ്കൂളിന്റെ നവതി ആഘോഷം പഞ്ചായത്ത് പ്രസിഡന്റ് തോമസ് ഐ. കണ്ണത്ത് ഉദ്ഘാടനം ചെയ്തു. പഞ്ചായത്ത് അംഗം എം.ഐ. പൗലോസ് അധ്യക്ഷത വഹിച്ചു. മാധ്യമ പ്രവർത്തകൻ കെ.എൻ. വേണു, മുൻ പ്രധാന അധ്യാപകൻ പി. കൃഷ്ണൻകുട്ടി മേനോൻ എന്നിവരെ ആദരിച്ചു. ടി.പി. വീണ സമ്മാനവിതരണം നടത്തി.
ജില്ലാ പഞ്ചായത്ത് അംഗം കെ.ആർ. സുമേഷ്, ഫാ. ജോൺസൺ ഇലവുംകുടി, ബ്ലോക്ക് പഞ്ചായത്ത് അംഗം എം. രാജഗോപാൽ, പ്രധാന അധ്യാപിക യു.എസ്. മായ, പിടിഎ പ്രസിഡന്റ് കെ.പി. ചന്ദ്രശേഖരൻ എന്നിവർ പ്രസംഗിച്ചു.
